20 de febrero de 2020

SÓLO TU REMANES

SÓLO TU REMANES

Si tenese una atra bida,
yo la te darba.

¡Qué calma,
con tu
en o corazón!

E lo que tiengo
encara,
amor,
os míos días cansos,
prene-los.

Quererba yo,
como los ninos,
chugar con ánchels santos.

T'ofrexco
lo mío saso,
puedes contemplar-lo, puyar-lo entalto.

¡Qué ortal en alto,
güellando
con güellos tuyos
e tot aimando
con inozenzia!
Nineza pura.

Tener uditos
ta la boz tuya
e repenchar-me
en o paradiso,
bisa zanzera...

Qué bien yo ferba
no fendo cosa,
con tu dondiando
por infinitos.

Cómo quererba
que rematasen,
amor mío,
tantas canseras...

Nos n'imos,
doncas,
ta do tu quieras,
e seré nino
entre ánchels inmaculatos,

con tu
ta cutio;

de raso
me tresbatié en o mundo.

© Chuan Chusé Bielsa