L'AMOR D'O POETA AUSÉN
Bel escritor, bel quiesto poeta
que ya marchó d'ista Tierra
nos clama, reclama
l'amistanza nuestra.
Quiere
acompañar-nos por os mons,
por os sasos e disiertos, por oblidatos
vieros, baxo goyosos zielos e a la vista
d'orizons de paradiso
(con bel libro suyo en as mans).
E nusatros nos n'imos con el por ixos puestos,
con el pasamos tan buenos ratez,
como en bel romanze ocasional.
Pero iste buen amigo deseya muito más,
quiere ser aimato con l'amor más pleno,
quiere ser luminaria d'as nuestras vidas,
influyir en as endrezeras que prenemos,
con solo a bondá por guida.
El ya trobó
o que nusatros rechiramos,
el ya poseye ixa paz, ixa libertá
que nusatros querérbanos tener.
E nos resistimos un poquet, nos parexe
eszesiva a pretensión d'o poeta amigo,
que partió d'ista Tierra ya fa
tantas añadas.
Quiere que aprendamos como cal
a lengua que fabló, quiere
que de contino releigamos
toz os libros que escribió, quiere
ser aimato e aimar apasionatamén.
E nusatros no sapemos qué fer, ye
aclaparadera la solizitazión d'ixa querenzia,
queremos fer tantas cosetas diferens en a vida,
tantos amigos desconoxitos bi ha por conoxer...
Pero l'amán poeta insiste e fa zeprén,
nos lo da tot, e remanerba tan solenco
aquí en a Tierra, tal vegada
allá en alto,
si o nuestro amor le mancase...
© Chuan Chusé Bielsa
- Versión en castellano:
EL AMOR DEL POETA AUSENTE
Algún escritor, algún querido poeta
que ya se fue de esta Tierra
nos llama, solicita
nuestra amistad.
Quiere
acompañarnos por los montes,
por los páramos
y yermos, por olvidados
caminicos,
bajo gozosos cielos y a la vista
de horizontes de paraíso
(con algún libro suyo en las manos).
Y nosotros nos vamos con él por esos puestos,
y con él pasamos tan buenos ratos,
como en un romance ocasional.
Pero este buen amigo quiere más,
quiere ser amado con el amor más verdadero,
quiere ser luz de nuestras vidas,
influir en la dirección que tomamos,
con solo la bondad por guía.
Él ya alcanzó
lo que nosotros buscamos,
él ya posee esa paz, esa libertad
que anhelamos.
Y nos resistimos un poquico, nos parece
excesiva la pretensión del poeta amigo,
que partió de esta Tierra
hace ya tantos años.
Quiere que aprendamos bien
la lengua que habló, quiere
que sin cesar releamos
todos los libros que escribió, quiere
ser amado y amar apasionadamente.
Y nosotros no sabemos qué hacer, es
abrumadora la solicitación de esa querencia,
queremos hacer tantas cosas en la vida,
tantos amigos hay por conocer...
Pero el amante poeta insiste,
nos lo da todo, y se quedaría solo
aquí en la Tierra, tal vez
allá en lo alto,
si nuestro amor le faltase...
© Chuan Chusé Bielsa