18 de diciembre de 2021

OS ZIELOS TRENCATOS

OS ZIELOS TRENCATOS

Con o tiempo tot
desaparexe. o que veyemos,
o que ascuitemos, o que estiemos
e no yéranos nusatros.

Ta qué tanto
retener en o lusco
ixo que no esiste.
A luna e o sol e o zielo
e as estrelas tremolan,
son boiras e plevidas d'oblido.
Os teitos d'o mundo, azuls
u negros u royos u verdes,
son batollatos por o tiempo e se tornan
en plevizna de no-cosas. Güella
cómo cayen o que parexeban columnas
muito zereñas, güella cómo lo templo
d'ista tierra yera feito de zenisas.

Os infinitos e bofos universos esteriors
un día amuestran a suya gran mentira
e ya no bi esisten ni fredo ni fuego ni mesmo
un siñalín de remeros, yeran
un sospiro en l'airera d'a tristura.

Pero agora, güella-te a tu mesmo.
Güella las estrelas e os zielos
que dentro de tu brilan en as nueis,
güella albas u luscos
que dengún puede amortar,
azuls u purpras que o tiempo no puede desfer.

Te'n irás e no morirás nunca,
tu e solo tu yes o eterno, tu yes a vida e defuera
de tu tot ye, a la fin, menos que una bombolleta,
güella-te, amor mío, dentro de tu
abita tot o que soniés e nunca
podiés aconseguir en os chilos
d'una allena nuei, tu yes a verdá e a esistenzia,
tu yes l'amán e o nino en os brazos
de qui t'aima, tu yes a belleza e tot
o que de luz bi ha en os mundos
amanexe en o silenzio tuyo.

© Chuan Chusé Bielsa


- Versión en castellano:

LOS CIELOS ROTOS

Con el tiempo todo
desaparece. lo que vemos,
lo que oímos, lo que fuimos
y no éramos nosotros.

Para qué tanto
retener en el crepúsculo
aquello que no existe.
La luna y el sol y el cielo
y las estrellas tiemblan,
son nubes y lluvias de olvido.
Los techos de ese mundo, azules
o negros o rojos o verdes,
son zarandeados por el tiempo y se tornan
en llovizna de nadas. Mira
cómo caen lo que parecían columnas
solidísimas, mira cómo el templo
de esta tierra estaba hecho de ceniza.

Los infinitos y hueros universos exteriores
un día muestran su mentira
y ya no existen ni frío ni fuego ni tan solo
una brizna de recuerdos, todo era
un suspiro en un viento de tristeza.

Pero ahora, mírate a ti mismo.
Mira las estrellas y los cielos
que dentro de ti brillan en las noches,
mira albas y crepúsculos
que nadie puede extinguir,
azules o púrpuras que el tiempo no deshace.

Te irás y no morirás nunca,
tú y solo tú eres el eterno, tú eres la vida y fuera
de ti todo, al final, es menos que una minúscula burbuja,
mírate, amor mío, dentro de ti
habita aquello que soñaste y nunca
pudiste conseguir en los gritos
de una ajena noche, tú eres la verdad y la existencia,
eres el amante y el niño en los brazos
de quien te ama, eres la belleza y todo
lo que de luz hay en los mundos
amanece en tu silencio.

© Chuan Chusé Bielsa