![Fada d'oro - Pintura a l'olio de Chuan Chusé Bielsa](https://blogger.googleusercontent.com/img/b/R29vZ2xl/AVvXsEj_P9qSRgJwIjit1k-gj-ProPbB3_NNFUmgo5FPLjOtFLMzz1e_6czx0Wm9Yobzrb_Ni9DjdfYVNdfBuMo4_9nuxCoMDjlvICgibeYAKUo6KbHm0IY61BO0Cuu7BlW9ZwC7_RDSfUGDkKM/s400/fada_oro.jpg)
Fada d'oro
Olio de Chuan Chusé Bielsa a la benda
Os míos bersos
son femeninos.
Cada parola i tien
o suyo perfume de muller.
O suyo caminar
a o largo d'o poema
ye femenino,
s'albandona en o ritmo de l'augua.
Os míos bersos
tienen os labios pintatos
y rechuman estrelas
rosatas
(en ubrirse-sen esbeilan
un rictus de frescor secsuata).
Quererban tener
gotas de seduzión en as ninetas,
as zellas enmarcando retallatas,
cadaguna d'ellas,
o coloriato zerclo d'a machia.
Buscan
unas mans con aimo
y parar a meyas
una mesa,
un mantel a cuadros,
calor y asperanzas.
Chuan Chusé Bielsa
• O poema Os míos bersos son femeninos se publicó con anterioridà en 1994 en o libro editato por Publicazions d'o Consello d'a Fabla Aragonesa que replega os treballos premiatos en o II Premio Literario "Billa de Sietemo". Ista poesía forma parti d'o treballo "A frescor en a penumbra".