BI HA UNA FALSA
dentro bi ha una falsa
do vive un nino
que leye en a fabla d'os paixaros
e l'airera
si lo he perdito tot
aquí abaixo
encara bi ha l'amor
entalto
e no s'ha perdito cosa
dentro bi ha disiertos
do un mesache marcha
sin camins
e no sape ta do va
talment
ta l'infinito
ya no bi ha tiempo
e cal aprofeitar
ixe inte que plega
inabastable
bi ha una falsa do bi ha
una gata
e un reloch de cielo
si he perdito o tiempo
aquí abaixo
encara queda
entalto
o dance e o miraglo
en a falsa vive
encara o que me cuaca
(l'arca d'o tresoro)
allá en alto
a la tardada
uno aspera
nueit e alba
cosa e tot
© Chuan Chusé Bielsa