YE DÍA DE FIESTA
Sentir que ye domingo
u tal vegada bel sabado...
¿Ye güe fiesta siñalata?
Sentir que ya han sonato
as campanas, sin yo
parar cuenta, con ixe goyo
de cuan bi ha bodas,
baltizos, comunions...
Con ixe goyo con que baldean
cuan zelebran a San Macario
u a la virchen Inmaculata, dende o mon
u dende a plana.
Arribas tu
e ya ye fiesta,
uno siente ixa alegría
que viene d'a nineza:
¡ye día de fiesta!
Pero no, güe
ye un día normal, no deberba
ser día de fiesta: ye día luns.
Yes tu
a que trayes ixa sapia a fiesta,
a sol festivo, ixe sol tan goyoso
interior tuyo, ixe sonriso
que desafía e venze a o mundo
de totas as tristuras.
E asinas, sin ser día de fiesta,
ye día de fiesta. E t'amoroseo
en o güembro e asinas
s'adebantan
os reloches,
un día ordinario lo tornas
con o tuyo tic-tac en día
miragloso, e tornan
palomas a un zielo azul perdito, torno
a sentir como sentiba
como cuan yera nino, con aquella
machia que solo atorga Dios.
Ye día de fiesta porque
tu lo iluminas, porque te vistes
con totas as colors
d'os zielos e d'a vida.
E asinas no bi ha día luns
ni día viernes ni día d'iste mundo,
do amanexes inventas tu de nuevo
l'alegría, como fazió Eyheh
pronunziando as Altas Letras,
una a una, creyando asinas
o Interno Paradiso.
E asinas s'ubre a puerta
e resuenan iluminatos pasos
en l'armita blanca d'a montaña.
¡Ai, o santo d'os miraglos!
E asinas fablan as campanas
dende a casa
d'a virchen
que inamora.
© Chuan Chusé Bielsa
- Versión en castellano:
ES DÍA DE FIESTA
Sentir que es domingo
o tal vez algún sábado...
¿Es hoy fiesta señalada?
Sentir que han sonado
las campanas, sin yo
darme cuenta, con ese gozo
de cuando hay bodas,
bautizos, comuniones...
Con ese gozo con que repican
cuando celebran a San Macario
o a la Virgen Inmaculada, desde el monte
o desde el llano.
Llegas tú
y ya es fiesta,
uno siente esa alegría
que viene de la infancia:
¡es día de fiesta!
Pero no, hoy
es un día normal, no debería
ser día de fiesta: hoy es lunes.
Eres tú
la que traes ese sabor a fiesta,
a sol festivo, ese sol alegre
interior tuyo, esa sonrisa
que desafía y vence al mundo
de todas las tristezas.
Y así, sin ser día de fiesta,
es día de fiesta. Y te acaricio
en el hombro y así
se adelantan los relojes,
un día ordinario lo conviertes
con tu tic-tac en día milagroso
y vuelven palomas a un cielo azul perdido,
y vuelvo a sentir como sentía
cuando era niño, con aquella
magia que solo otorga Dios.
Es día de fiesta
porque tú lo iluminas, porque te vistes
con todos los colores
de los cielos y la vida.
Y asi no hay día
que sea lunes, viernes o día de este mundo,
donde apareces inventas tú de nuevo
la alegría, como hizo Eyheh
poniendo en voz las Altas Letras,
una a una, creando así
el Interno Paraíso.
Y así se abre la puerta
y resuenan iluminados pasos
en la ermita blanca de la montaña.
¡Ay, el santo de los milagros!
Y así hablan la campanas
desde la casa
de la Virgen
que enamora.
© Chuan Chusé Bielsa
