![Chisla d'o paradiso - Pintura de Chuan Chusé Bielsa](https://blogger.googleusercontent.com/img/b/R29vZ2xl/AVvXsEihIhuF70oBUvZYbNECl9np5VP3hR583Q5P-ys2rE5vHX-5CONBvBHCCjohbK5utUpv-FPXP33d_-ZTMo830yL1kBOZiWYzx5f7Dr5tVACSmwqlWjIrPcFpzGx0Ln5E_tYqNlJvH8P7gyo/s400/chisla_do_paradiso.jpg)
Chisla d'o paradiso
Pintura a l'olio de Chuan Chusé Bielsa.
Obra bendita.
Obra bendita.
Güellos en l'uniberso,
doratos, profundismos
mars d'estrelas.
Busco los tuyos güellos
con a mía nau plena
de silenzios.
He feito silenzio,
biacho en silenzio
enta galacsias d'amor claro.
Qué luen y qué zerqueta
o país mío,
en a distanzia d'a tuya ausenzia
y en a luz que suenia
en os tuyos güellos altizos,
y que en a nuei eterna
son constelazions
iluminando a mía nau
silenziosa
como un alba.
Chuan Chusé Bielsa