Amor d'inozenzia

AMOR D'INOZENZIA

Vivir en Dios...
serba ta yo vivir en bel yermo
aimato, arredolato de paisaches de l'alma
e en paz, en una casetica do lo silenzio
estase l'alimento.

Poseyer bels poquez libros,
d'os poquez libros sabios que s'han escrito,
meditar-bi cada día.

Estar ya desengañato d'o mundo
e d'a esterioridá, saper
que os ombres e mullers realmén bondadosos
son escasos, son tresoros amagatos.

Vivir en Dios...
serba ta yo no añader mas dolor a la dolor;
a dolor ye o gran misterio, granizo,
radicalmén incomprensible, inmerexito,
ye o triunfo d'o diaple en a tierra,
triunfo omnipresén, triunfo
a o que solo puede venzer un Amor d'inozenzia
d'o que toz en fan escarnio.
Pobre mundo sin ixe Dios interno,
afincato en a dolor.

Vivir en Dios... ye dexar que ixe Amor inozén
nos guide, enamorar-nos d'el, asperar trobar-le,
abrazar-le ixe día en que tot aquí perdamos
e nos ne vaigamos con o nuestro
bagache d'inozenzia
enta l'atra espuenda.

© Chuan Chusé Bielsa

- Versión en castellano:

AMOR DE INOCENCIA

Vivir en Dios...
sería para mí vivir en algún yermo
amado, rodeado de paisajes del alma
y en paz, en una casetica donde el silencio
fuese el alimento.

Tener unos pocos libros,
de los pocos libros sabios que se han escrito,
meditar con ellos cada día.

Estar ya desengañado del mundo
y de la exterioridad, saber
que los hombres y mujeres realmente bondadosos
son escasos, son tesoros escondidos.

Vivir en Dios...
sería para mí no añadir más dolor al dolor;
el dolor es el gran misterio, descomunal,
radicalmente incomprensible, inmerecido,
es el triunfo del diablo en la tierra,
triunfo omnipresente, triunfo
al que solo puede vencer un Amor de inocencia
del que todos hacen escarnio.
Pobre mundo sin ese Dios interno,
hundido en el dolor.

Vivir en Dios... es dejar que ese Amor inocente
nos guíe, enamorarnos de él, esperar encontrarle,
abrazarle ese día en que todo aquí lo perdamos
y nos vayamos con nuestro
bagaje de inocencia
a la otra orilla.

© Chuan Chusé Bielsa

por falsas silenziosas (short poem)

a mía gata
por falsas silenziosas:
qué invidiable

Chuan Chusé Bielsa

    Spanish version - Versión en castellano:

mi gata
por desvanes silenciosos:
qué envidiable

Chuan Chusé Bielsa

    Catalan version - Versió en català:

la meva gata
per les golfes silencioses:
quina enveja!

Chuan Chusé Bielsa

No bi ha reloche... (short poem)

no bi ha reloche
cuan me'n voi a dormir
entre as estrelas

Chuan Chusé Bielsa

    Spanish version:

no hay reloj
cuando me voy a dormir
entre las estrellas

Chuan Chusé Bielsa

INTERNA ESTRELA

INTERNA ESTRELA

veyerás tardadas
calmas amariellas

qu'en tu s'acubillan

luscos veyerás
colors verdaderas

bien dentro de tu

e albas sinzeras
e fuens de silenzio

cuan tot bien aprendas

veyerás l'aimada
qu'en tu bien s'amaga

oblidata t'aima

perdiés en a tierra
totas as batallas

i veniés solenco

te'n irás d'aquí
espullato agüerro

sin radiz ni fuellas

qué mirache o mundo
mirallo de suenios

e sin primaveras

d'iste yermo marcho
do belún me quiera

e sin traidurías

aquí dentro alzo
o millor aniello

ixo que me queda

ta dar-lo en l'airera
a qui con yo vuela

con sinzeridá

nunca tenié más
qu'ixa interna estrela

yera ixo a vida

pordemás buscar
quimeras quimeras

trigar en l'aimar

reina qu'en o fundo
de yo me cusiras

realidá zenzera

defuera de tu
mentiras mentiras

e trobé l'amor

a tu compañera
do perén tu brilas

© Chuan Chusé Bielsa

QUERERBA UN PAISACHE

Caseta, margalidas, ababols
Foto: Chuan Chusé Bielsa

QUERERBA UN PAISACHE

quererba un paisache:
silenzios que fablen

cuan yera mesache
aimaba os camins,
trobaba en os mases
parez escachatas:
casa en tota calma
do poder vivir

trobaba en os altos
disiertos salvaches
tot ta ser feliz
(tot yo con l'aimada),
bebeba uno l'augua
que o zielo le dase

ai!, si me guidasen
(e ya en a viellera)
en altas gambadas
l'azul e l'airera,
dexar as canseras
ta cutio oblidatas,
si me despertases,
ánchel qu'en yo veilas,
nino tuyo serba,
goyoso volarba
do a tu te cuacase,
puyarba, puyarba
con tu t'alta sierra
do bien aima l'aire

si solo danzase
con as tuyas alas,
a puerto sagrato
perén yo plegarba,
e nunca las malas
punchas yo tastarba

ai!, si me güellases,
no veyerbas güellos
que ya nunca fablan,
ni labios que ploran,
anque sin glarimas,
nunca no sentirbas
bien tristas parolas,
ni veyerbas días
do a o no-res s'adora
e que son a imachen
d'a malinconía,
sin d'altas auroras

quererba un paisache:
silenzios que oran

© Chuan Chusé Bielsa

DÓ IRÁ L'AMOR

DÓ IRÁ L'AMOR

Dó irá l'amor
cuan ya tot remata,
dó irán os suenios
en leitos danzatos,
dó irán os años
t'aimar emplegatos,
dó irán os besos
d'os enamoratos,
e abrazos en que uno
tu e yo nos torbábanos,
dó irá o más polito
que esiste en a vida,
cuan Dios contemplaba
cómo nos aimábanos.

Bi será en o zielo
l'arca d'os tresoros;
cuan ya no pisemos
a tierra, trobar-nos
será o que faigamos
en bel alto viero,
será l'alto oro
fer o que soniemos,
e seremos ricos
aimando de nuevo,
e seremos ninos
e inozens paxaros
chugando en o viento.

Dó irán as parolas
de luz pronunziatas
en a eternidá,
cuan cosa vantemos
treito d'a bondá,
como vagabundos
dondiando en as mans
de l'amor eterno.

© Chuan Chusé Bielsa

- Versión en castellano:

DÓNDE IRÁ EL AMOR

Dónde irá el amor
cuando todo acaba,
dónde irán los sueños
en lechos danzados,
dónde irán los años
amando empleados,
dónde irá ese beso
del enamorado,
y abrazos en que uno
tú y yo nos tornábamos,
dónde irá lo hermoso
que existe en la vida,
cuando Dios miraba
cómo nos amábamos.

Estarás en cielos,
arca del tesoro;
cuando no pisemos
la tierra, hallarnos
será lo que hagamos
en alto sendero,
será el alto oro
hacer lo soñado,
y seremos ricos
amando de nuevo,
y seremos niños
e inocentes pájaros
jugando en el viento.

Dónde irán palabras
de luz pronunciadas
en la eternidad,
cuando no tenemos
ya más que el amar,
como vagabundos
andando en la paz
del amor eterno.

© Chuan Chusé Bielsa