Viero e mon
Foto: Chuan Chusé Bielsa
OM E CHESUCRISTO
agora
ye o deseyo
dizir OM
reconoxendo
a paz interior
dizimos OM
tantos e tantos fracasos
tacón a vida
oblida-los
a calentor
remera d'ixos que t'aimón
en días goyosos
d'ixos que remanen
a la fin d'o viache
como paxaros volaires
en zielos cantaires
dizir OM
e Chesucristo
vantar-se
d'o caos
dizindo parolas
as tacas s'esborran
plega o paradiso
¿ta quí escribo?
ta espritos
que implen os campos
que aimé
ta sers
arredol
d'o fogaril eterno
dizir perén
OM
OM e Chesucristo
amor
astí yo i vivo
e no bi ha más soledá
dende o esdevenidero
dende a flor sin tiempo
o inte divino
consellos d'o zielo
nos traye l'aimada
OM
e Chesucristo
© Chuan Chusé Bielsa